Կրթության ոլորտի ծրագրի թիրախը համալսարաններն են և դրանց կապերը գիտության և արդյունաբերության հետ: Կրթության, գիտության և տեխնոլոգիայի նորարարության եռանկյունին ներդրումների և պետական-մասնավոր համագործակցության մեխանիզմ է, որի նպատակն է զարկ տալ ոլորտի մրցունակության զարգացմանը:

Կենտրոնը կզարգացնի գերազանցության ակադեմիական օջախները` մրցունակությունը խթանելու նպատակով: Համալսարաններին այն կտրամադրի ֆինանսավորում և համատեղ օգտագործման ռեսուրսներ, ինչպես նաև կծառայի որպես միջնորդ արտերկրի առաջատար կենտրոնների հետ հարաբերություններում:

Հայաստանը հնարավորություն ունի դառնալ տարածաշրջանի առաջատարը քաղցկեղի և սրտանոթային հիվանդությունների ախտորոշման և բուժման բնագավառներում:

Հայաստանը հնարավորություն ունի դառնալ միջուկային բժշկության տարածաշրջանային կենտրոն և գերազանցության օջախ` ուռուցքաբանության և սրտաբանության բնագավառներում: 40 միլիոն ԱՄՆ դոլար արժողությամբ Միջուկային բժշկության ծրագիրը այս ներուժն օգտագործելու հիմք կդնի` ձեռք բերելով բնագավառի նորագույն տեխնոլոգիաները և համագործակցելով արտասահմանյան ներդրողների հետ` տեխնոլոգիաները, փորձը և հմտությունը Հայաստան փոխանցելու նպատակով:

Հայաստանն ունի նշանակալից մրցակցային առավելություն զբոսաշրջության զարգացման ոլորտում` ունենալով զարգացման մեծ հնարավորություններ բարձրարժեք ժամանցային զբոսաշրջության ենթաոլորտում:

ՅՈՒՆԵՍԿՈ-ի համաշխարհային մշակութային ժառանգության թեկնածու Տաթևի վանական համալիրը գտնվում է բնության գողտրիկ անկյունում: 25 միլիոն ԱՄՆ դոլար արժողությամբ <<Տաթևի վերածնունդ>> ծրագիրը կազմված է հետևյալ բաղադրիչներից. համալիրի պահպանում, վանական և գիտական ավանդույթների վերականգնում, զբոսաշրջային ապրանքի մշակում Որոտան գետի կիրճում ու հարևան համայնքներում և աշխարհի ամենաերկար ճոպանուղու կառուցում: